Ishe Ndinunureiwo Pakumanikwa

Baba wedu ari kudenga. Ndinokutendai netsitsi dzenyu dzekundipa upenyu, utano, ungwaru, nazvose zvandinokukumbirai. Ngarirumbidzwe zita renyu Dzvene nokusingapere.

Ndauya pamberi penyu baba, kuzokukumbirai kuti mundinunurewo pakumanikwa nezvipingidzo zvepano panyika. Ndinonamatira vana vangu, hama dzangu, vadzidzi vedu, vavengi vangu, vanogara kudzimba dzedu kuti vadzichengete, imba yedu, business redu, nepfuma yamakandipa iri kuno nekumusha kuZimbabwe. Ndinoda iwande. Ndipeiwo Mweya Mutsvene ndikunde Satani nezviyedzo zvese.

Handina mazhinji Samatenga. Inzwaiwo munamato wangu. Kuburikidza nezita raJesu Kristu, Mwana komana wenyu neMweya Mutsvene. Nokusingapere.
Amen.